TABIA KUMI RAHISI SANA ZA KUFANYA ILI UANZE KUFANIKIWA

Na; Mashaka Siwingwa

+255764987588

-----------------------------------------------------------------------------------------------------------------------------

Suala la kufanikiwa siyo tukio la sekunde moja au siku moja kama wengi wadhanivyo. Ni mchakato mrefu na wenye mfululizo wa matukio kadhaa. Hata hivyo, tulio wengi hatujui kanuni bora za kupitia ili tuweze kufanikiwa. Kwa kubeza ujumbe huu, kuna mdau anayeniona kila siku atasema mbona mimi sijafanikiwa! Shauri yako. 

Ili uweze kufanikiwa unahitaji vitu kadhaa muhimu sana. Hivi vitu vitaamua hatma ya maisha yako katika nyanja mbalimbali. 

Pasi na shaka, kuna mtu ataauliza kama kuna nyanja za maisha. Ndiyo, kuna nyanja mbalimbali za maisha. Kati ya hizo ni pamoja na kufanikiwa kiuchumi, kijamii, kisiasa, kiutamaduni na kadharika.

Baadhi ya tabia zifuatazo zinaweza kumtengenezea mtu mazingira ya kufanikiwa moja kwa moja. Au zinaweza kuwa mwanga wa mafanikio yake.

Kanuni au tabia hizo ni pamoja na;

1. Mtu anayezingatia kanuni za afya. Afya ni mtaji, kila mtu anapaswa kuiheshimu na kuzingatia kanuni za afya bora. Huweza kufanya shughuli za kiuchumi ukiwa unaumwa, huwezi kufanya siasa ukiwa na afya dhaifu. Hivyo, katika jua katika mvua, afya njema ni muhimu sana.

2. Mtu anayekula vizuri. Kula ni muhimu. Tena siyo kula tu, bali kula vizuri na kwa kuzingatia kanuni za lishe bora ikiwa ni pamoja na kupata mlo kamili.

3. Mtu anayefanya mazoezi. Siyo kujisumbua ni katika harakati za kuhakikisha kwamba unauweka mwili wako katika hali njema. Hii inakusaidia kuepukana na vitambi visivyo na ulazima wowote ule pamoja na mgando wa mafuta mwilini. Mazoezi ni muhimu sana kwa afya ya kila mmoja wetu.

4. Mtu anayechunguza afya yake mara kwa mara. Fanya mazoezi, pima afya mara kwa mara. Wakati mwingine inatokea unakuta mtu anaumwa leo lakini kumbe hayo maradhi yalianza miezi miwili kabla. Kwa hiyo, ni vema kama ukijijengea tabia ya kucheki afya yako mara kwa mara. Tatizo sisi wabongo kama mtu hajapata tatizo la kulazwa humuoni kwenye vituo vya afya. Huko kumekuwa bangi na kituo cha polisi.

5. Mtu mwenye kiasi kwenye suala la starehe. Starehe zinapita; Acha zikupite. Kama wewe siyo wa ukanda wa pwani siyo lazima uhudhurie kila birthday, pangilia matumizi yako vizuri. Epuka gharama za maisha zisizo na maana.

6. Mtu anayepata ushauri mzuri wa masuala ya fedha. Angalia watu wazuri katika masuala ya fedha na uchumi. Upate ushauri hata kabla hujaanza matumizi. Kamwe usitumie kabla ya kupanga bajeti yako. Hii itakusaidia sana kudhibiti matumizi yasiyo ya lazima.

7. Mtu anayesoma vitabu. Soma sana mpaka makaratasi yakuogope. Soma mpaka ifikie wakati usahau vitabu kwenye mto wako wa kulalia. Yapo mambo mengi sana huko kwenye vitabu. Endelea kuviona kituo cha polisi sasa.

8. Mtu anayewekeza vizuri. Siyo tu fedha, hata mawazo yako jitahidi uyawekeze kwenye vitu chanya.

9. Mtu anayedhibiti matumizi yake. Tumia kistaarabu. Pangilia bajeti zako vizuri.

10. Mtu anayemtanguliza Mungu kwenye kila jambo. Mungu awe ndiyo kila kitu kwako. Kabla hujafanya chochote kile mshirikishe Mungu wako. Vyote vilivyotajwa hapo juu si kitu kabisa kama hutofanya ukiwa na Mungu. Tafuta sana kuwa na unyoofu wa moyo mbele za mwenyezi Mungu.

msonihurublog.blogspot.com


Comments

Post a Comment

Popular posts from this blog

KWA NINI WATU WENGI HAWANA UTAMADUNI WA KUJISOMEA VITABU?

Image
 Kwa Nini Watu Wengi Hawana Utamaduni/Hawapendi Kujisomea Vitabu?  (Sehemu ya Kwanza) Habari... Siku kadhaa zilizopita niliandika kwenye kurasa zangu za mitandao ya kijamii mara baada ya kufanya kipindi cha 'The Fix' cha redio kuhusiana na mada inayosema 'Kwa Nini Watu Wengi Hawapendi Kusoma Vitabu?' Nakumbuka baada ya chapisho lile niliahidi kukufikishia somo lote hatua kwa hatu. Sasa leo natamani somo hili liwe kama sehemu ya kwanza na mada ile ile ambapo leo tutaangalia sababu za watu wengi kutokuwa na mwamko, shauku ama utamaduni wa kujisomea vitabu. Zifuatazo ni baadhi tu ya sababu za watu wengi kutokuwa na utamaduni wa kujisomea vitabu; >> Mabadiliko ya Teknolojia (Simu na Mitandao ya Kijamii); Vifaa vya kisasa kama simu za mkononi, kompyuta, na mitandao ya kijamii vimechukua nafasi kubwa katika maisha ya watu. Watu wengi wanapendelea kutumia muda wao kwenye mitandao badala ya kusoma vitabu. >> Video na Habari za Papo kwa Papo; Watu wanaweza kupata hab...
Read more

Mbwa Bado Hajafa! (Usikubali Kukata Tamaa)

Image
Meshack Siwingwa 0764 987 588 Jamaa mmoja alikuwa akisafiri kutoka nyumbani kwake kuelekea mjini majira ya saa moja asubuhi. Baada ya mwendo wa kama saa mbili hivi alikutana na kijana mmoja akiwa amesimama barabarani akingojea kumwona mtu aendaye mjini ili aweze kumuomba 'lift.' Kijana huyu alikuwa amebeba vifaa kadhaa vinavyotumika kwa ajili ya usafi wa kuoshea magari vile ambavyo alivimudu kuvibeba. Kando ya huyu kijana alikuwa amelala mbwa aliyeonekana kuwa dhooofu bin hal kwani alikuwa akitweta kwa uchungu uliosababishwa na maumivu aliyokuwa nayo. Yule kijana alipunga mkono kwa jamaa ndipo jamaa aliposimamisha gari yake na kuamua kumsikiliza kijana. Kijana alimweleza jamaa kwamba alikuwa anaelekea mjini kumtibia mbwa wake na kwamba baadhi ya vifaa kadha alivyokuwa navyo alitegemea apate kazi za kuosha magari pindi afikapo mjini ili aweze kupata fedha za kumudu gharama za matibabu ya mbwa wake. Jamaa alishangaa sana baada ya kuona hali ya mbwa wa yule kijana na ndipo alipoam...
Read more

KAULI KUMI ZA HAYATI MWL. JULIUS K. NYERERE KUHUSU ELIMU NDANI NA NJE YA NCHI

Na; Mashaka Siwingwa +255764987588 ----------------------------------------------------------------------------------------------------------------------------- Ni miaka mingi imepita tangu atutoke baba wa taifa Hayati, Julius Kambarage Nyerere. Ushujaa na uhodari wake katika kupambanua mambo pamoja na kueleza vitu bayana kunamfanya aendelee kuwa shujaa asiyesahaulika. Wakati wa uhai wake, baba wa taifa alisisitiza sana juu ya suala la elimu hapa nchini. Falsafa yake ya kuamini kwamba elimu ndiyo silaha pekee ya kuufikia ukombozi wa kweli hasa kifikra. Katika nyakati tofauti tofauti, katika sehemu tofauti na katika muktadha tofauti, Hayati baba wa taifa aliweza kuonesha wazi msimamo wake juu ya mfumo wetu wa elimu. Kati ya mengi aliyoyazungumza, leo nimeamua nikukusanyie kauli kumi tu alizowahi kuzitoa shujaa huyu.  Twende sawa; 1. Kauli aliyoitamka mnamo tarehe 31 Desemba, 1969 akizungumza na vyombo vya habari kuhusu malengo ya Elimu ya Watu Wazima. Alisema, "... education is som...
Read more