TANZANIA NA FURAHA YA MNYONGE ISIYODUMU KAMWE

Kifo cha Hayati Dkt. John P. Magufuli, kimewaacha wanyonge wengi sana wakilia bila kuona suluhu. Mpaka sasa bado kuna watanzania pamoja na waafrika kwa ujumla, wengi sana ambao bado hawaamini kama kweli jemedari wetu ametutoka! Aghalabu sasa hivi wameanza kuamini. Ni sahihi kabisa kwamba kifo cha mpendwa wetu huyu ni pengo lisilozibika kamwe, hili halipingiki.

Lakini watu wengi sana wamekuwa wakimhusisha jemedari Magufuli na Musa wa Israeli aliyefanyika mkombozi wa taifa lake kwa kuwatoa wenzake misri na kuwapeleka katika taifa la ahadi. Hata hivyo, ndoto ya Musa haikutimia kama alivyodhani. Sasa tujiulize kidogo, kwanini Magufuli kama Musa? Kwa nini, si mwingine? Kwa nini asifananishwe na Sauli? Suleimani na wengine wote?

Hebu pitia andiko hili lililoandaliwa na kijana mahiri sana katika uga wa uandishi na ninaamini halitakuacha mtupu; hakika lazima utapata cha kujifunza. Twende sawa sasa.

Wana wa Israel walilia sana na walishindwa hata  kukubali kifo cha Musa.  Ungewaambia nini tena juu ya Musa? Pamoja na kuishi kwa miaka mingi kule utumwani kwa farao, bado alipokuja Musa matumaini yalianza upya, upendo ulianza upya, nguvu za waisrael zikaja upya; walikubali kuteseka, walilia, walilala njaa hata kipindi kigumu walikosa tumaini lakini bado tu walikubali kuishi na kuvuka na Musa kwenda Kanaani.

Musa alijua ipo siku atawaacha tu! Pamoja na kuwavusha kutoka utumwani bado alihisi ipo siku atalala usingizi wa jumla. Mungu alimpa maono Musa kwenye kitabu cha kumbukumbu la Torati 32:52  kwamba utaiona hiyo nchi mbele yako lakini hutakwenda huko kuingia hiyo nchi niwapayo wana wa Israeli . Mungu aliwaahidi nchi ya amani na Musa alijua atafika nao pamoja na mateso ya miaka mingi kwa farao.

Tanzania  tuliishi maisha ya kinyonge ni kama maisha ya mateso na huzuni, tabu na vilio japo si kama ya Waisraeli. Musa aliletwa na Mungu pale kwa farao Tanzania tukaletewa Magufuli. Wengi wamesema alikuwa zaidi ya kiongozi. Hata marafiki zake Uhuru kenyatta na Museveni wa Uganda walikubali Magufuli alikuwa zaidi ya  kiongozi.

Tangu taarifa za umauti wake zitoke watu hawaachi kuugua kwa vilio; wamelia sana, wamekulilia sana pamoja na kulala mauti bado simanzi  kama zinaanza upya. Wengi wameenda mbali hadi kumdhihaki Mungu. Lakini yote ni mapenzi yao juu yako shujaa. Baba leo umelala, husikii tena sauti zetu sisi wana wa Israeli, ninajiuliza tutafika vipi sisi wanyonge?

Tanzania tayari ina Rais mpya lakini bado machozi na huzuni vimetanda upya  nchi ya ahadi tutaifikia? Je, wale wanyonge tutafutwa na nani machozi?  Pale Libya kuna mama alihojiwa akasema ''hapana nitapata kiongozi mwingine lakini mimi mnyonge sitakuwa na furaha." Maneno ya 'upumzike kwa amani' tumeyaandika sana.

Ulitupa kila aina ya utu, ubinadamu, maisha ya hofu juu ya Mungu, ulienda msikitini, kanisani yote ni dhana ya kuwa kiongozi bora, upendo wa kifani, umeondoka katika nyakati ambazo sisi bado tunakuhitaji zaidi huenda ni zaidi ya wewe ulivyokuwa unatuhitaji.

 Pumzika kwa amani tu.

Ulijenga Tanzania mpya, tunasema Tanzania ya viwanda, ulitupa kila aina ya funzo si ujasiri pekee, uthubutu na mwanga mpya juu ya taifa la Tanzania. Ulitufuta machozi sisi wanyonge, afya, maji pamoja na miundo mbinu ulivifanya kuwa miradi midogo sana kwako. Wana wa Israeli pamoja na kuwa na Musa bado hawakuonja matunda mapema kama sisi watanzania bado umetuacha. Hakika wewe ulikuwa Musa wetu jemedari!

Pumzika Musa wetu, ahsante kwa kutuvusha ingawa bado hatujafika, bado tuna Joshua amekuja. Pumzika Magufuli, sote tupo njia moja Tanzania umeacha alama, ulikuwa kama nembo ya taifa letu, bado watu wanalia baba, watu bado hawaamini baba. Nenda JPM, nenda Rais wetu mpendwa tutaonana peponi.

Ama hakika FURAHA YA MNYONGE KAMWE HAIDUMU

May your soul rest in peace Hon. MAGUFULI.


Imeandikwa na;

Pius Masanja.

0658606449

@piucmasanja

Comments

Post a Comment

Popular posts from this blog

KWA NINI WATU WENGI HAWANA UTAMADUNI WA KUJISOMEA VITABU?

Image
 Kwa Nini Watu Wengi Hawana Utamaduni/Hawapendi Kujisomea Vitabu?  (Sehemu ya Kwanza) Habari... Siku kadhaa zilizopita niliandika kwenye kurasa zangu za mitandao ya kijamii mara baada ya kufanya kipindi cha 'The Fix' cha redio kuhusiana na mada inayosema 'Kwa Nini Watu Wengi Hawapendi Kusoma Vitabu?' Nakumbuka baada ya chapisho lile niliahidi kukufikishia somo lote hatua kwa hatu. Sasa leo natamani somo hili liwe kama sehemu ya kwanza na mada ile ile ambapo leo tutaangalia sababu za watu wengi kutokuwa na mwamko, shauku ama utamaduni wa kujisomea vitabu. Zifuatazo ni baadhi tu ya sababu za watu wengi kutokuwa na utamaduni wa kujisomea vitabu; >> Mabadiliko ya Teknolojia (Simu na Mitandao ya Kijamii); Vifaa vya kisasa kama simu za mkononi, kompyuta, na mitandao ya kijamii vimechukua nafasi kubwa katika maisha ya watu. Watu wengi wanapendelea kutumia muda wao kwenye mitandao badala ya kusoma vitabu. >> Video na Habari za Papo kwa Papo; Watu wanaweza kupata hab...
Read more

Mbwa Bado Hajafa! (Usikubali Kukata Tamaa)

Image
Meshack Siwingwa 0764 987 588 Jamaa mmoja alikuwa akisafiri kutoka nyumbani kwake kuelekea mjini majira ya saa moja asubuhi. Baada ya mwendo wa kama saa mbili hivi alikutana na kijana mmoja akiwa amesimama barabarani akingojea kumwona mtu aendaye mjini ili aweze kumuomba 'lift.' Kijana huyu alikuwa amebeba vifaa kadhaa vinavyotumika kwa ajili ya usafi wa kuoshea magari vile ambavyo alivimudu kuvibeba. Kando ya huyu kijana alikuwa amelala mbwa aliyeonekana kuwa dhooofu bin hal kwani alikuwa akitweta kwa uchungu uliosababishwa na maumivu aliyokuwa nayo. Yule kijana alipunga mkono kwa jamaa ndipo jamaa aliposimamisha gari yake na kuamua kumsikiliza kijana. Kijana alimweleza jamaa kwamba alikuwa anaelekea mjini kumtibia mbwa wake na kwamba baadhi ya vifaa kadha alivyokuwa navyo alitegemea apate kazi za kuosha magari pindi afikapo mjini ili aweze kupata fedha za kumudu gharama za matibabu ya mbwa wake. Jamaa alishangaa sana baada ya kuona hali ya mbwa wa yule kijana na ndipo alipoam...
Read more

KAULI KUMI ZA HAYATI MWL. JULIUS K. NYERERE KUHUSU ELIMU NDANI NA NJE YA NCHI

Na; Mashaka Siwingwa +255764987588 ----------------------------------------------------------------------------------------------------------------------------- Ni miaka mingi imepita tangu atutoke baba wa taifa Hayati, Julius Kambarage Nyerere. Ushujaa na uhodari wake katika kupambanua mambo pamoja na kueleza vitu bayana kunamfanya aendelee kuwa shujaa asiyesahaulika. Wakati wa uhai wake, baba wa taifa alisisitiza sana juu ya suala la elimu hapa nchini. Falsafa yake ya kuamini kwamba elimu ndiyo silaha pekee ya kuufikia ukombozi wa kweli hasa kifikra. Katika nyakati tofauti tofauti, katika sehemu tofauti na katika muktadha tofauti, Hayati baba wa taifa aliweza kuonesha wazi msimamo wake juu ya mfumo wetu wa elimu. Kati ya mengi aliyoyazungumza, leo nimeamua nikukusanyie kauli kumi tu alizowahi kuzitoa shujaa huyu.  Twende sawa; 1. Kauli aliyoitamka mnamo tarehe 31 Desemba, 1969 akizungumza na vyombo vya habari kuhusu malengo ya Elimu ya Watu Wazima. Alisema, "... education is som...
Read more