KWA NINI WATU WENGI HAWANA UTAMADUNI WA KUJISOMEA VITABU?

 Kwa Nini Watu Wengi Hawana Utamaduni/Hawapendi Kujisomea Vitabu?

 (Sehemu ya Kwanza)

Habari... Siku kadhaa zilizopita niliandika kwenye kurasa zangu za mitandao ya kijamii mara baada ya kufanya kipindi cha 'The Fix' cha redio kuhusiana na mada inayosema 'Kwa Nini Watu Wengi Hawapendi Kusoma Vitabu?' Nakumbuka baada ya chapisho lile niliahidi kukufikishia somo lote hatua kwa hatu.

Sasa leo natamani somo hili liwe kama sehemu ya kwanza na mada ile ile ambapo leo tutaangalia sababu za watu wengi kutokuwa na mwamko, shauku ama utamaduni wa kujisomea vitabu.

Zifuatazo ni baadhi tu ya sababu za watu wengi kutokuwa na utamaduni wa kujisomea vitabu;

>> Mabadiliko ya Teknolojia (Simu na Mitandao ya Kijamii); Vifaa vya kisasa kama simu za mkononi, kompyuta, na mitandao ya kijamii vimechukua nafasi kubwa katika maisha ya watu. Watu wengi wanapendelea kutumia muda wao kwenye mitandao badala ya kusoma vitabu.

>> Video na Habari za Papo kwa Papo; Watu wanaweza kupata habari na burudani kupitia video fupi na vipindi vya televisheni, ambavyo vinaweza kuvutia zaidi kuliko kusoma maandishi marefu.

>> Ukosefu wa Muda (Ratiba za Kazi Zilizobanana); Watu wengi wana ratiba za kazi au masomo ambazo zimebanwa, hivyo wanapata wakati mdogo wa kupumzika na kusoma.

>> Majukumu ya Familia na Kijamii; Majukumu ya kifamilia na kijamii yanaweza kuwafanya watu kupunguza muda wa kujisomea.

>> Mazingira Duni ya Usomaji: Watu wanaweza wasijisikie kuwa sehemu ya utamaduni wa kusoma kama hawakukuzwa kwenye mazingira yanayothamini usomaji.

>> Vitabu Vinavyopatikana; Katika baadhi ya maeneo, vitabu bora au vinavyovutia vinaweza visiwepo kwa urahisi, au gharama ya vitabu inaweza kuwa juu.

>> Lugha na Mazingira: Vitabu vinavyopatikana vinaweza visiwe kwenye lugha inayofahamika au vinaweza kuwa havina uhusiano na mazingira ya msomaji.

>> Shule na Mfumo wa Elimu (Mtazamo wa Shule kuhusu Usomaji) Wanafunzi wanaweza kuhusisha kusoma vitabu na kazi za lazima au za shuleni, hivyo kutoona usomaji kama burudani.

>> Elimu ya Juu: Mfumo wa elimu unaweza kutoweka mkazo wa kutosha kwenye kusoma vitabu kwa ajili ya maarifa ya ziada au burudani.

>> Usomaji Kuonekana Kama Kazi Ngumu. Suala la kujisomea linaonekana ni moja kati ya kazi ngumu hivyo watu wengi hukosa hamasa ya kujisomea.

>> Upungufu wa Uelewa: Watu wengine wanaweza kuwa na changamoto ya kuelewa wanachokisoma, hivyo kupoteza hamasa ya kuendelea.

>> Kuzingatia Muda Mrefu: Kusoma vitabu kunaweza kuchukua muda mrefu na kudai umakini mkubwa, jambo ambalo watu wengi hawana kutokana na mtindo wa maisha wa haraka haraka.

>> Mazingira Duni ya Usomaji; Ukosefu wa Maktaba au Nafasi za Usomaji: Baadhi ya maeneo hayana maktaba au sehemu tulivu za kujisomea, hivyo kufanya usomaji kuwa mgumu.

>> Utamaduni wa Pamoja: Katika baadhi ya jamii, usomaji haupewi kipaumbele, na watu wanaweza kutoona umuhimu wake.

>> Kutoona Thamani ya Kusoma (Kutokufahamu Faida) Watu wengi hawatambui faida za kusoma vitabu, kama vile kuboresha uwezo wa kufikiria, kupata maarifa mapya, na kukuza ubunifu.

Hizi (pamoja na nyingine nyingi) zinaweza kuwa miongoni mwa sababu zinazopelekea watu wengi kushindwa kujijengea utamaduni wa kujisomea. Usikose sehemu inayofuata ambapo tutaangalia sababu za kwa nini watu wanatakiwa wajisomee (faida za kujisomea vitabu).

Imeandaliwa na;

Siwingwa MJ

0764 987 588

CEO: Msomi Huru Group 

Morogoro - Tanzania


Comments

Post a Comment

Popular posts from this blog

Mbwa Bado Hajafa! (Usikubali Kukata Tamaa)

Image
Meshack Siwingwa 0764 987 588 Jamaa mmoja alikuwa akisafiri kutoka nyumbani kwake kuelekea mjini majira ya saa moja asubuhi. Baada ya mwendo wa kama saa mbili hivi alikutana na kijana mmoja akiwa amesimama barabarani akingojea kumwona mtu aendaye mjini ili aweze kumuomba 'lift.' Kijana huyu alikuwa amebeba vifaa kadhaa vinavyotumika kwa ajili ya usafi wa kuoshea magari vile ambavyo alivimudu kuvibeba. Kando ya huyu kijana alikuwa amelala mbwa aliyeonekana kuwa dhooofu bin hal kwani alikuwa akitweta kwa uchungu uliosababishwa na maumivu aliyokuwa nayo. Yule kijana alipunga mkono kwa jamaa ndipo jamaa aliposimamisha gari yake na kuamua kumsikiliza kijana. Kijana alimweleza jamaa kwamba alikuwa anaelekea mjini kumtibia mbwa wake na kwamba baadhi ya vifaa kadha alivyokuwa navyo alitegemea apate kazi za kuosha magari pindi afikapo mjini ili aweze kupata fedha za kumudu gharama za matibabu ya mbwa wake. Jamaa alishangaa sana baada ya kuona hali ya mbwa wa yule kijana na ndipo alipoam...
Read more

KAULI KUMI ZA HAYATI MWL. JULIUS K. NYERERE KUHUSU ELIMU NDANI NA NJE YA NCHI

Na; Mashaka Siwingwa +255764987588 ----------------------------------------------------------------------------------------------------------------------------- Ni miaka mingi imepita tangu atutoke baba wa taifa Hayati, Julius Kambarage Nyerere. Ushujaa na uhodari wake katika kupambanua mambo pamoja na kueleza vitu bayana kunamfanya aendelee kuwa shujaa asiyesahaulika. Wakati wa uhai wake, baba wa taifa alisisitiza sana juu ya suala la elimu hapa nchini. Falsafa yake ya kuamini kwamba elimu ndiyo silaha pekee ya kuufikia ukombozi wa kweli hasa kifikra. Katika nyakati tofauti tofauti, katika sehemu tofauti na katika muktadha tofauti, Hayati baba wa taifa aliweza kuonesha wazi msimamo wake juu ya mfumo wetu wa elimu. Kati ya mengi aliyoyazungumza, leo nimeamua nikukusanyie kauli kumi tu alizowahi kuzitoa shujaa huyu.  Twende sawa; 1. Kauli aliyoitamka mnamo tarehe 31 Desemba, 1969 akizungumza na vyombo vya habari kuhusu malengo ya Elimu ya Watu Wazima. Alisema, "... education is som...
Read more