MSINGI MZURI WA HATMA YAKO NI WEWE MWENYEWE.

__________________________________________

Ukisoma maneno yaliyoandikwa hapo juu unaweza usiyaelewe kwa haraka lakini hayajakosewa kabisa.

Mheshimiwaa Rais wa awamu ya nne, Jakaya Kikwete aliwahi kusema; ukitaka kula ukubali kuliwa... Akiwa na maana ya kwamba ili upate faida lazima ulipe gharama fulani hivi na kauli hii ina ukweli ndani yake kabisa kwani huwezi kuvuna mazao kama haukufukia mbegu ardhini.

Katika jamii kuna watu wa namna mbalimbali sana, mathalani watu tunatofautiana kirangi, kimwili, kimaumbile, kijinsia na hata kiuchumi. 

Leo ninaomba kuwazungumzia watu wa namna mbili tu ambao wamejaaliwa vipawa fulani lakini wanapishana namna ya kuvitumia vipawa hivyo;

1. Watu wanaotaka wapewe vitu ili waonyeshe walivyonavyo (vipawa vyao); Hawa ni watu ambao hukaa na vipawa vyao au talanta walizonazo. Huwa wanasubiri mpaka mtu aseme anatafuta watu wenye uwezo wa kuimba ndipo wajitokeze. Wakikosa mtu wa kusema hivyo huua talanta zao. Watu wa aina hii ni wepesi sana kukata tamaa pale tu mdhamini anapositisha mkataba au anapopata hasara kwani huamini kwamba bila mdhamini maisha hayawezi kwenda. Kiwango cha wao kujiamini huwa ni kidogo sana kiasi kwamba huwa wanaamini kwa mtu mwingine zaidi na wala si wao wenyewe. Hawawezi kujisimamia katika kufanya maamuzi yao kutokana na uwoga kwa bosi, meneja au mkurugenzi.

2. Watu wanaoamua kuonyesha vitu walivyonavyo bila kusubiri kupewa kitu (vipawa vyao);

Hawa ni watu wenye uthubutu mkubwa sana kwenye maisha yao. Kama ni biashara huwa wanaanzisha bila kumsubiri mtu wa kuja kuwaambia waanzishe biashara. Kama ni vipaji kama vile kuchora, kuandika, kuimba, kuchonga, kusuka n.k. huwa wanaamua kufanya hivyo bila kusubiri kuambiwa kwamba anatafutwa msusi, mchongaji, mchoraji n.k. Hawa watu wanapothubutu kuonyesha uwezo wao ndipo wanapopata nafasi za kuaminiwa na wadhamini na kupewa nafasi ya juu zaidi kuliko aina ya kwanza kwa sababu wao wanasubiri mpaka waambiwe wafanye nini.

Watu wa namna hii wanaouwezo mkubwa sana wa kupambana mtaani na kupata mafanikio kupitia vile walivyonavyo bila kujali meneja, bosi au mkurugenzi anataka nini.

Wanapambana kila wakati kutaka kutoka kupitia vipawa vyao. Huwa hawatishwi na vitisho vya bosi kwa sababu wanaamini wanaweza kufanya mambo wao kama wao. Wanapopata hasara huumia sana na hupandwa na hasira zinazopelekea tamaa ya kutaka kufanya kitu kikubwa zaidi. Wanazingatia sana kujenga majina yao na wala si majina ya bosi. Huwa si watu wa kulaumu pale wanaposhindwa bali msisitizo wao huwa kwenye kutafuta suluhisho.

Dunia ya sasa inawahitaji sana watu wa aina hii ya pili kuliko ile ya kwanza kwa sababu ulimwengu wa leo unataka watu wanaopambana. Kama una kipawa na unasubiri mtu ajitokeze ndipo ukionyeshe unaweza kufikwa na mauti tena ya uzeeni bado unasubiri kupewa motisha.

Kama unajua kabisa unaweza kuchora, kuimba, kuchonga, kusuka amua leo kuyafanya hayo bila kusubiri kuambiwa kwamba unatafutwa. Ukishaianza kazi ndipo watu watakapokutafuta na kukupa nafasi ya juu zaidi. 

Lazima ukubali kutoa kwanza kisha upate kitu na wala si kupata kwanza kisha utoe.

Wakati mwingine kama wewe ni msanii unaweza ukawa unajitolea kuimba bure kwenye sherehe na makongamano mbalimbali na ukishapata jina unaweza kunufaika kupitia uimbaji wako. Au kama wewe ni mchoraji unaweza kuwa unajitolea kuchora picha za watu mashuhuri, vibonzo, au hata mandhari mbalimbali. Unapofanya hivyo ndipo unapokutana na watu wa namna mbalimbali ambao wanashuhudia kipaji chako na lazima waangalie namna ya kukuunga mkono.

Kumbuka vitu havitokei tu bali vinatengenezwa! Usiwaone watu wakubwa waliofanikiwa kwenye maisha yao, walipambana kutengeneza majina yao. Hawakuwa walegevu kiasi hicho.

Chagua sasa kuwa mtu wa aina ya pili ili ushuhudie matunda ya kile unachokiamini. Imani yako ina nguvu kuliko imani ya mtu mwingine yeyote yule.  Acha kuamini juu ya boss, meneja, mkurugenzi maana siku asipokuwepo huyo utapata shida!  Hao watu ni muhimu sana lakini angalia pia namna ya kuweza kusimama wewe kama wewee siku wasipokuwepo.


Ahsante!

#Chief_Editor

@Msomi_Huru.


Comments

Post a Comment

Popular posts from this blog

KWA NINI WATU WENGI HAWANA UTAMADUNI WA KUJISOMEA VITABU?

Image
 Kwa Nini Watu Wengi Hawana Utamaduni/Hawapendi Kujisomea Vitabu?  (Sehemu ya Kwanza) Habari... Siku kadhaa zilizopita niliandika kwenye kurasa zangu za mitandao ya kijamii mara baada ya kufanya kipindi cha 'The Fix' cha redio kuhusiana na mada inayosema 'Kwa Nini Watu Wengi Hawapendi Kusoma Vitabu?' Nakumbuka baada ya chapisho lile niliahidi kukufikishia somo lote hatua kwa hatu. Sasa leo natamani somo hili liwe kama sehemu ya kwanza na mada ile ile ambapo leo tutaangalia sababu za watu wengi kutokuwa na mwamko, shauku ama utamaduni wa kujisomea vitabu. Zifuatazo ni baadhi tu ya sababu za watu wengi kutokuwa na utamaduni wa kujisomea vitabu; >> Mabadiliko ya Teknolojia (Simu na Mitandao ya Kijamii); Vifaa vya kisasa kama simu za mkononi, kompyuta, na mitandao ya kijamii vimechukua nafasi kubwa katika maisha ya watu. Watu wengi wanapendelea kutumia muda wao kwenye mitandao badala ya kusoma vitabu. >> Video na Habari za Papo kwa Papo; Watu wanaweza kupata hab...
Read more

Mbwa Bado Hajafa! (Usikubali Kukata Tamaa)

Image
Meshack Siwingwa 0764 987 588 Jamaa mmoja alikuwa akisafiri kutoka nyumbani kwake kuelekea mjini majira ya saa moja asubuhi. Baada ya mwendo wa kama saa mbili hivi alikutana na kijana mmoja akiwa amesimama barabarani akingojea kumwona mtu aendaye mjini ili aweze kumuomba 'lift.' Kijana huyu alikuwa amebeba vifaa kadhaa vinavyotumika kwa ajili ya usafi wa kuoshea magari vile ambavyo alivimudu kuvibeba. Kando ya huyu kijana alikuwa amelala mbwa aliyeonekana kuwa dhooofu bin hal kwani alikuwa akitweta kwa uchungu uliosababishwa na maumivu aliyokuwa nayo. Yule kijana alipunga mkono kwa jamaa ndipo jamaa aliposimamisha gari yake na kuamua kumsikiliza kijana. Kijana alimweleza jamaa kwamba alikuwa anaelekea mjini kumtibia mbwa wake na kwamba baadhi ya vifaa kadha alivyokuwa navyo alitegemea apate kazi za kuosha magari pindi afikapo mjini ili aweze kupata fedha za kumudu gharama za matibabu ya mbwa wake. Jamaa alishangaa sana baada ya kuona hali ya mbwa wa yule kijana na ndipo alipoam...
Read more

KAULI KUMI ZA HAYATI MWL. JULIUS K. NYERERE KUHUSU ELIMU NDANI NA NJE YA NCHI

Na; Mashaka Siwingwa +255764987588 ----------------------------------------------------------------------------------------------------------------------------- Ni miaka mingi imepita tangu atutoke baba wa taifa Hayati, Julius Kambarage Nyerere. Ushujaa na uhodari wake katika kupambanua mambo pamoja na kueleza vitu bayana kunamfanya aendelee kuwa shujaa asiyesahaulika. Wakati wa uhai wake, baba wa taifa alisisitiza sana juu ya suala la elimu hapa nchini. Falsafa yake ya kuamini kwamba elimu ndiyo silaha pekee ya kuufikia ukombozi wa kweli hasa kifikra. Katika nyakati tofauti tofauti, katika sehemu tofauti na katika muktadha tofauti, Hayati baba wa taifa aliweza kuonesha wazi msimamo wake juu ya mfumo wetu wa elimu. Kati ya mengi aliyoyazungumza, leo nimeamua nikukusanyie kauli kumi tu alizowahi kuzitoa shujaa huyu.  Twende sawa; 1. Kauli aliyoitamka mnamo tarehe 31 Desemba, 1969 akizungumza na vyombo vya habari kuhusu malengo ya Elimu ya Watu Wazima. Alisema, "... education is som...
Read more