PIGA MOYO KONDE, KISHA SONGA MBELE

Siku zote mambo huwa hayaji kama vile tulivyotegemea. Siyo kwa ubaya, hapana ni katika hali tu ya kuonyesha kwamba majira hubadilika. Mipango pia hushidwa kutimia. 

Akili yako umeiweka katika upande gani?

Je, unakata tamaa moja kwa moja mara baada ya kukataliwa kazi na kampuni fulani? Je, unakata tamaa moja kwa moja mara baada ya kuachwa na mpenzi wako? Je, umekata tamaa moja kwa moja mara baada ya kuanguka kwa biashara yako? 

Siku zote kitu pekee kinachokukatisha tamaa ni ile hali ya kuamini kwamba jambo fulani liko namna hii au ile, jambo hilo linapokuja tofauti wengi hutahamaki na kisha kukata tamaa...

Amini ninakwambia, siyo kila kitu kitakwenda kama ulivyopanga. Wakati mwingine unatakiwa kukubali kwamba kuna sehemu ulikwama, upige moyo konde kisha kusonga mbele. Maisha huwa hayamsubiri mtu anayevunjika moyo! Na siku zote sekunde, dakika na saa hazisimami ili kukusubiri unapokata tamaa. Jipige kifuani kisha sema SIKATI TAMAA TENA! Kumbuka mtangazaji mkubwa sana  wa Clouds Media, Millard Ayo alituma maombi ya kuomba kazi Clouds Media zaidi ya mara tano bila mafanikio. Kamwe hakukubali kukata tamaa, alipiga moyo konde kisha akaendelea kupambana na siku moja waliamini anaweza na wakaamua kumuita mwaka 2010. Mpaka leo hii ni moja ya watangazaji wanaoaminika sana Afrika wakiwa vijana na wanaoweza kutoa taarifa sahihi ndani ya muda sahihi kote ulimwenguni.

 Kwenye kipaji ulichojaliwa na mwenyezi Mungu, hakikisha unakitendea haki pamoja na kutoruhusu kukata tamaa. Siku zote hakuna mafanikio mepesi.

 Tuzidi kupambana ndugu zangu!


@Chief_Editor

#Msomi Huru. 

Comments

Post a Comment

Popular posts from this blog

KWA NINI WATU WENGI HAWANA UTAMADUNI WA KUJISOMEA VITABU?

Image
 Kwa Nini Watu Wengi Hawana Utamaduni/Hawapendi Kujisomea Vitabu?  (Sehemu ya Kwanza) Habari... Siku kadhaa zilizopita niliandika kwenye kurasa zangu za mitandao ya kijamii mara baada ya kufanya kipindi cha 'The Fix' cha redio kuhusiana na mada inayosema 'Kwa Nini Watu Wengi Hawapendi Kusoma Vitabu?' Nakumbuka baada ya chapisho lile niliahidi kukufikishia somo lote hatua kwa hatu. Sasa leo natamani somo hili liwe kama sehemu ya kwanza na mada ile ile ambapo leo tutaangalia sababu za watu wengi kutokuwa na mwamko, shauku ama utamaduni wa kujisomea vitabu. Zifuatazo ni baadhi tu ya sababu za watu wengi kutokuwa na utamaduni wa kujisomea vitabu; >> Mabadiliko ya Teknolojia (Simu na Mitandao ya Kijamii); Vifaa vya kisasa kama simu za mkononi, kompyuta, na mitandao ya kijamii vimechukua nafasi kubwa katika maisha ya watu. Watu wengi wanapendelea kutumia muda wao kwenye mitandao badala ya kusoma vitabu. >> Video na Habari za Papo kwa Papo; Watu wanaweza kupata hab...
Read more

Mbwa Bado Hajafa! (Usikubali Kukata Tamaa)

Image
Meshack Siwingwa 0764 987 588 Jamaa mmoja alikuwa akisafiri kutoka nyumbani kwake kuelekea mjini majira ya saa moja asubuhi. Baada ya mwendo wa kama saa mbili hivi alikutana na kijana mmoja akiwa amesimama barabarani akingojea kumwona mtu aendaye mjini ili aweze kumuomba 'lift.' Kijana huyu alikuwa amebeba vifaa kadhaa vinavyotumika kwa ajili ya usafi wa kuoshea magari vile ambavyo alivimudu kuvibeba. Kando ya huyu kijana alikuwa amelala mbwa aliyeonekana kuwa dhooofu bin hal kwani alikuwa akitweta kwa uchungu uliosababishwa na maumivu aliyokuwa nayo. Yule kijana alipunga mkono kwa jamaa ndipo jamaa aliposimamisha gari yake na kuamua kumsikiliza kijana. Kijana alimweleza jamaa kwamba alikuwa anaelekea mjini kumtibia mbwa wake na kwamba baadhi ya vifaa kadha alivyokuwa navyo alitegemea apate kazi za kuosha magari pindi afikapo mjini ili aweze kupata fedha za kumudu gharama za matibabu ya mbwa wake. Jamaa alishangaa sana baada ya kuona hali ya mbwa wa yule kijana na ndipo alipoam...
Read more

KAULI KUMI ZA HAYATI MWL. JULIUS K. NYERERE KUHUSU ELIMU NDANI NA NJE YA NCHI

Na; Mashaka Siwingwa +255764987588 ----------------------------------------------------------------------------------------------------------------------------- Ni miaka mingi imepita tangu atutoke baba wa taifa Hayati, Julius Kambarage Nyerere. Ushujaa na uhodari wake katika kupambanua mambo pamoja na kueleza vitu bayana kunamfanya aendelee kuwa shujaa asiyesahaulika. Wakati wa uhai wake, baba wa taifa alisisitiza sana juu ya suala la elimu hapa nchini. Falsafa yake ya kuamini kwamba elimu ndiyo silaha pekee ya kuufikia ukombozi wa kweli hasa kifikra. Katika nyakati tofauti tofauti, katika sehemu tofauti na katika muktadha tofauti, Hayati baba wa taifa aliweza kuonesha wazi msimamo wake juu ya mfumo wetu wa elimu. Kati ya mengi aliyoyazungumza, leo nimeamua nikukusanyie kauli kumi tu alizowahi kuzitoa shujaa huyu.  Twende sawa; 1. Kauli aliyoitamka mnamo tarehe 31 Desemba, 1969 akizungumza na vyombo vya habari kuhusu malengo ya Elimu ya Watu Wazima. Alisema, "... education is som...
Read more