NJIA RAHISI YA KUFANIKISHA MALENGO YAKO

Na; Mashaka Siwingwa

+255764987588

-----------------------------------------------------------------------------------------------------------------------------

 Kuweka malengo ni jambo zuri lakini kuweka malengo yanayotekelezeka ni jambo zuri zaidi.

 Malengo lazima yaendane na uwezo wako wa kuyatekeleza. Kwa mfano ukiwa umepanga kununua gari ndani ya mwaka huu lazima uweke mikakati ya kuelekea kununua gari hilo ndani ya mwaka. Lazima ujiwekee utaratibu wa kutunza kiasi fulani cha fedha kila mwezi ili kuhakikisha kwamba unatimiza kiasi ambacho umepanga kuwa hadhi ya gari lako. Kwa wale ambao ni walimu wanaelewa katika mchakato mzima wa kufundisha huwa wanakuwa na malengo jumuishi pamoja na malengo maalumu/mahususi. Malengo jumuishi huwa ni yale malengo ambayo mwalimu anapanga kuyafikia baada ya kumaliza mada fulani au mada zote (mwaka mzima wa masomo). Lakini malengo mahususi huwa ni yale ambayo mwalimu anapanga kuyafikia mara baada ya kuhitimisha kipindi kimoja darasani. Kipindi kinaweza kuwa cha dakika arobaini au dakika themanini. Malengo haya mahususi ndiyo ambayo hubeba dira ya mwalimu kuelekea kufikia malengo jumuishi. Pasi na kufanya hivyo siyo rahisi sana kufikia malengo jumuishi.

Inafahamika kwamba kila mtu anaweka malengo fulani ndani ya mwaka. Lakini ni nadra sana kukuta watu wanapanga mikakati ya kuhakikisha wanafikia malengo hayo. Aidha wengi huamini kwamba mpata wafike mwishoni mwa mwaka ndiyo wafanye tathmini kama wamefanikiwa au la! 

Kwa kifupi hii ni hatari sana kwa mtu mwenye mipango ya kufanikiwa. Huwezi kupanga kupata fedha halafu unashinda umelala. Huwezi kupanga kufaulu vizuri halafu hutaki kusoma. Huwezi kupanga kuoa halafu huwezi kumshawishinmtu akukubalie. Lazima utafute miradi hiyo ya kukuingizia fedha, vinginevyo mawazo yako yatakuwa mawazo mufilisi tu na yasiyo na tija yoyote kwako na kwa familia yako.

Unapopanga malengo yako ya mwaka mzima (malengo jumuishi) kumbuka mwaka mmoja una miezi 12. Jaribu kuyagawa malengo yako katika hiyo miezi 12 halafu anza kuyatekeleza. Hii itakurahishia kutambua ni malengo gani uanze nayo na ni kwa wakati gani.

Pia, ndani ya mwezi mmoja kuna siku takribani 30. Zigawanye hizi siku na kila siku haikisha unapanga jambo la kulitekeleza kuelekea lengo kuu lako ndani ya mwaka. Kwa mfano umepanga ndani ya mwaka huu lazima usome vitabu 100, unaweza kugawa vitabu nane hadi tisa kwa mwezi. Baada ya kugawa kwa mwezi kumbuka mwezi mmoja una wiki nne. Unaweza kupanga pia ndani ya wiki lazima usome vitabu viwili. Kumbuka ndani ya wiki kuna siku saba. Kama kila siku utatumia dakika thelathini tu kusoma vitabu utajikuta malengo yako yanafanikiwa kwa wepesi zaidi. 

Kila jambo unalolifanya linakuwa na ukomo wa muda, muda ukiisha jambo hilo linakuwa halina nafasi tena kama alivyoandika mwandishi wa kitabu cha "Kivuli Kinaishi". Muda ndiyo rasilimali namba moja ya kuizingatia kuelekea malengo yako. Kama huwezi kuzingatia muda basi huwezi kufanikiwa. Hata maandiko matakatifu yanakwambia kila jambo na wakati wake (Mhubiri 3:8). Hakikisha hufanyi mambo nje ya wakati wake ili kukusaidia kukamilisha mambo hayo na kuwa na muda wa kufanya mambo mengine. 

Jitahidi kuugawa muda wako vizuri ili kutekeleza lengo lako.

Tena ukiweza jiadhibu kabisa kwa kutotii muda uliojiwekea. Kwa mfano mimi nimepanga kusoma kitabu kimoja kila wiki, kama ikipita wiki sijakikamilishi basi nitalazimika kusoma vitabu viwili ndani ya wiki inayofuata. Lazima nihakikishe nafikia malengo yangu. 

Nina uhakika ukiweza kupanga na kuyagawa malengo yako kwa kufuata muda, utafanikiwa sana.

Kumbuka, muda huwa haumsubiri mtu!

Fanya sasa! Wakati ndiyo huu!

Mashaka Siwingwa

+255764987588

Comments

Post a Comment

Popular posts from this blog

KWA NINI WATU WENGI HAWANA UTAMADUNI WA KUJISOMEA VITABU?

Image
 Kwa Nini Watu Wengi Hawana Utamaduni/Hawapendi Kujisomea Vitabu?  (Sehemu ya Kwanza) Habari... Siku kadhaa zilizopita niliandika kwenye kurasa zangu za mitandao ya kijamii mara baada ya kufanya kipindi cha 'The Fix' cha redio kuhusiana na mada inayosema 'Kwa Nini Watu Wengi Hawapendi Kusoma Vitabu?' Nakumbuka baada ya chapisho lile niliahidi kukufikishia somo lote hatua kwa hatu. Sasa leo natamani somo hili liwe kama sehemu ya kwanza na mada ile ile ambapo leo tutaangalia sababu za watu wengi kutokuwa na mwamko, shauku ama utamaduni wa kujisomea vitabu. Zifuatazo ni baadhi tu ya sababu za watu wengi kutokuwa na utamaduni wa kujisomea vitabu; >> Mabadiliko ya Teknolojia (Simu na Mitandao ya Kijamii); Vifaa vya kisasa kama simu za mkononi, kompyuta, na mitandao ya kijamii vimechukua nafasi kubwa katika maisha ya watu. Watu wengi wanapendelea kutumia muda wao kwenye mitandao badala ya kusoma vitabu. >> Video na Habari za Papo kwa Papo; Watu wanaweza kupata hab...
Read more

Mbwa Bado Hajafa! (Usikubali Kukata Tamaa)

Image
Meshack Siwingwa 0764 987 588 Jamaa mmoja alikuwa akisafiri kutoka nyumbani kwake kuelekea mjini majira ya saa moja asubuhi. Baada ya mwendo wa kama saa mbili hivi alikutana na kijana mmoja akiwa amesimama barabarani akingojea kumwona mtu aendaye mjini ili aweze kumuomba 'lift.' Kijana huyu alikuwa amebeba vifaa kadhaa vinavyotumika kwa ajili ya usafi wa kuoshea magari vile ambavyo alivimudu kuvibeba. Kando ya huyu kijana alikuwa amelala mbwa aliyeonekana kuwa dhooofu bin hal kwani alikuwa akitweta kwa uchungu uliosababishwa na maumivu aliyokuwa nayo. Yule kijana alipunga mkono kwa jamaa ndipo jamaa aliposimamisha gari yake na kuamua kumsikiliza kijana. Kijana alimweleza jamaa kwamba alikuwa anaelekea mjini kumtibia mbwa wake na kwamba baadhi ya vifaa kadha alivyokuwa navyo alitegemea apate kazi za kuosha magari pindi afikapo mjini ili aweze kupata fedha za kumudu gharama za matibabu ya mbwa wake. Jamaa alishangaa sana baada ya kuona hali ya mbwa wa yule kijana na ndipo alipoam...
Read more

KAULI KUMI ZA HAYATI MWL. JULIUS K. NYERERE KUHUSU ELIMU NDANI NA NJE YA NCHI

Na; Mashaka Siwingwa +255764987588 ----------------------------------------------------------------------------------------------------------------------------- Ni miaka mingi imepita tangu atutoke baba wa taifa Hayati, Julius Kambarage Nyerere. Ushujaa na uhodari wake katika kupambanua mambo pamoja na kueleza vitu bayana kunamfanya aendelee kuwa shujaa asiyesahaulika. Wakati wa uhai wake, baba wa taifa alisisitiza sana juu ya suala la elimu hapa nchini. Falsafa yake ya kuamini kwamba elimu ndiyo silaha pekee ya kuufikia ukombozi wa kweli hasa kifikra. Katika nyakati tofauti tofauti, katika sehemu tofauti na katika muktadha tofauti, Hayati baba wa taifa aliweza kuonesha wazi msimamo wake juu ya mfumo wetu wa elimu. Kati ya mengi aliyoyazungumza, leo nimeamua nikukusanyie kauli kumi tu alizowahi kuzitoa shujaa huyu.  Twende sawa; 1. Kauli aliyoitamka mnamo tarehe 31 Desemba, 1969 akizungumza na vyombo vya habari kuhusu malengo ya Elimu ya Watu Wazima. Alisema, "... education is som...
Read more