KINACHOKUFANYA USHINDWE KUFANIKIWA

Na; Mashaka Siwingwa

+255764987588

-----------------------------------------------------------------------------------------------------------------------------

Kinywa chako kinakuponza...

Hili nalo linakukwamisha usifanikiwe mpendwa!

Kila rafiki yako anapokosea lazima umseme kwa rafiki zako!

Kila anaponunua kitu kipya lazima umtangaze kwamba anajisikia! anajidai!

Kila mwenzako anapoteleza wewe ndiyo wa kwanza kutamba na kumwambia kwamba bila wewe asingeweza kuvuka!

Kila mwenzako anapopitia magumu na kukuomba msaada una mtangaza kwamba bila wewe asingepona! Mara oh asingefanikiwa! 

Kwani wewe ni yupi?

Eti, wewe ni yupi?

Hiki ndicho kinachokuponza bro!

Yaani unatumia muda mwingi kuwabeza wenzako, kuwakatisha wenzako, kuwakera wenzako, kuwasema wenzako utafikiri huu ulimwengu umeumbiwa uishi milele... Hata maandiko matakatifu yanasema binadamu ni mavumbi na mavumbini atarudi! Unataka kuishi milele kisha utambe vizuri kwa idadi lukuki ya watu uliowasaidia?

Hata mitume na manabii wa zamani walitambua umuhimu wa kusaidiana katika maisha ndiyo maana Musa baada ya kugundua hivyo alianza kumuandaa Yoshua mapema! 

Kwa hakika, haya maisha huwezi kusimama peke yako!

Ukitaka kuwa mkamilifu jenga dunia yako! Binadamu hukosea kisha hupata fursa ya kusahihisha makosa hayo. No body is perfect 100%! 

Kwa namna yoyote ile, kwa gharama zozote zile, kwa hali yoyote Ile, amini usiamini, utake usitake, maisha hayawezi kwenda mpaka pale tutakapoziondoa fikra mufilisi na kuruhusu fikra pevu za kuwashirikisha na kushirikiana na wenzetu.

Huwezi kumlazimisha mwenzako awe mkamilifu wakati unafahamu fika kwamba binadamu tumeumbwa katika hali ya kujifunza! Hakuna mkamilifu.

Kwanini usianze wewe kukamilika? 

Tatizo macho yako unayatumia kuwatazama wengine huku aibu ikikuangaza kujitazama wewe mwenyewe! Masikio yako yamekaa samawati kuyapokea ya wengine, umbea tu lakini siyo kusikia sauti itokayo ndani yako mwenyewe na kukuelekeza njia njema!

Huwezi kuwa mtu wa kuwachukia na kuwasema wengine wanapokosea halafu wewe ukikosea unakimbilia kuomba msamaha! Kama kukosea ni bahati mbaya basi umuwekee kinyongo mwenzako anapokukosea! Acha kabisa kauli za "Nimekusamehe ila sitakusahau". Sasa hapo kuna haja gani ya kumsamehe mtu? Samehe na sahau!

Badilika! 

Mwenzako anapofanya vizuri jitahidi umpongeze, kama huwezi kumpongeza kaa kimya!

Mwenzako anapokosea jitahidi umsahihishe, kama huwezi kumsahihisha acha! 

Jifunze utofauti uliopo kati ya kumkosoa mtu na kumsahihisha! Rafiki yako anapokosea unamsahihisha siyo unamkosoa!

Yeye siyo Mungu wa kuwa mkamilifu!

Wewe pia siyo masihi wa kujisifia kwa kuwasaidia watu wengine...

Kumbuka hata maandiko matakatifu yanasema unavyobariki ndivyo unavyobarikiwa!

Kumsema rafiki yako vibaya, kumsengenya, kumteta, kujiona bila wewe asingelifika hapo alipo siyo jambo jema hata kidogo! Kinywa chako  ndiyo mchawi wa mafanikio yako... Sema ni vile tu umepigwa upofu hauwezi kuona wala kusikia.

Hayafai mtaani alisema Shaaban Robert katika diwani yake ya  'Mapenzi Bora'.  Maisha lazima yaendelee hata usipokuwepo wewe! Jichunge, chunga kauli zako, chunga matendo yako!

Ewe kapuku uliyeshindwa kumtambua mchawi wako mwenyewe, mbona unataka kumnyooshea mwenzako kidole kimoja wakati vidole vinne vinakutazama wewe?

Fungua milango ya mafanikio yako kwa kubariki mafanikio ya wengine...

Jifunze namna walivyofanya mpaka wakafanikiwa maana mdomo wako utakuponza kwa maneno yako machafu... kumbuka maneno yana uwezo wa kuumba!

Siyo mwanamke mpumbavu tu anayebomoa nyumba yake kwa mikono yake mwenyewe hata rafiki mnafiki unazuia milango ya mafanikio yako mwenyewe!

Badilika!

Mashaka Siwingwa

+255764987588

Comments

Post a Comment

Popular posts from this blog

KWA NINI WATU WENGI HAWANA UTAMADUNI WA KUJISOMEA VITABU?

Image
 Kwa Nini Watu Wengi Hawana Utamaduni/Hawapendi Kujisomea Vitabu?  (Sehemu ya Kwanza) Habari... Siku kadhaa zilizopita niliandika kwenye kurasa zangu za mitandao ya kijamii mara baada ya kufanya kipindi cha 'The Fix' cha redio kuhusiana na mada inayosema 'Kwa Nini Watu Wengi Hawapendi Kusoma Vitabu?' Nakumbuka baada ya chapisho lile niliahidi kukufikishia somo lote hatua kwa hatu. Sasa leo natamani somo hili liwe kama sehemu ya kwanza na mada ile ile ambapo leo tutaangalia sababu za watu wengi kutokuwa na mwamko, shauku ama utamaduni wa kujisomea vitabu. Zifuatazo ni baadhi tu ya sababu za watu wengi kutokuwa na utamaduni wa kujisomea vitabu; >> Mabadiliko ya Teknolojia (Simu na Mitandao ya Kijamii); Vifaa vya kisasa kama simu za mkononi, kompyuta, na mitandao ya kijamii vimechukua nafasi kubwa katika maisha ya watu. Watu wengi wanapendelea kutumia muda wao kwenye mitandao badala ya kusoma vitabu. >> Video na Habari za Papo kwa Papo; Watu wanaweza kupata hab...
Read more

Mbwa Bado Hajafa! (Usikubali Kukata Tamaa)

Image
Meshack Siwingwa 0764 987 588 Jamaa mmoja alikuwa akisafiri kutoka nyumbani kwake kuelekea mjini majira ya saa moja asubuhi. Baada ya mwendo wa kama saa mbili hivi alikutana na kijana mmoja akiwa amesimama barabarani akingojea kumwona mtu aendaye mjini ili aweze kumuomba 'lift.' Kijana huyu alikuwa amebeba vifaa kadhaa vinavyotumika kwa ajili ya usafi wa kuoshea magari vile ambavyo alivimudu kuvibeba. Kando ya huyu kijana alikuwa amelala mbwa aliyeonekana kuwa dhooofu bin hal kwani alikuwa akitweta kwa uchungu uliosababishwa na maumivu aliyokuwa nayo. Yule kijana alipunga mkono kwa jamaa ndipo jamaa aliposimamisha gari yake na kuamua kumsikiliza kijana. Kijana alimweleza jamaa kwamba alikuwa anaelekea mjini kumtibia mbwa wake na kwamba baadhi ya vifaa kadha alivyokuwa navyo alitegemea apate kazi za kuosha magari pindi afikapo mjini ili aweze kupata fedha za kumudu gharama za matibabu ya mbwa wake. Jamaa alishangaa sana baada ya kuona hali ya mbwa wa yule kijana na ndipo alipoam...
Read more

KAULI KUMI ZA HAYATI MWL. JULIUS K. NYERERE KUHUSU ELIMU NDANI NA NJE YA NCHI

Na; Mashaka Siwingwa +255764987588 ----------------------------------------------------------------------------------------------------------------------------- Ni miaka mingi imepita tangu atutoke baba wa taifa Hayati, Julius Kambarage Nyerere. Ushujaa na uhodari wake katika kupambanua mambo pamoja na kueleza vitu bayana kunamfanya aendelee kuwa shujaa asiyesahaulika. Wakati wa uhai wake, baba wa taifa alisisitiza sana juu ya suala la elimu hapa nchini. Falsafa yake ya kuamini kwamba elimu ndiyo silaha pekee ya kuufikia ukombozi wa kweli hasa kifikra. Katika nyakati tofauti tofauti, katika sehemu tofauti na katika muktadha tofauti, Hayati baba wa taifa aliweza kuonesha wazi msimamo wake juu ya mfumo wetu wa elimu. Kati ya mengi aliyoyazungumza, leo nimeamua nikukusanyie kauli kumi tu alizowahi kuzitoa shujaa huyu.  Twende sawa; 1. Kauli aliyoitamka mnamo tarehe 31 Desemba, 1969 akizungumza na vyombo vya habari kuhusu malengo ya Elimu ya Watu Wazima. Alisema, "... education is som...
Read more