MATATIZO NI KAMA SAA YA MSHALE

Imekuwa ni desturi sasa watu kununua saa za mkononi kwa ajili ya matumizi ya kawaida ya kuangalia muda. Wakati mwingine watu hawa wananunua saa za bei ghari ili kuzionesha kwa watu (show off). Waathirika wakubwa wa tatizo hili ni sisi vijana. Ndiyo! Hata mimi ninapenda show off!

Siku hizi si ajabu kumkuta kijana wa kipato cha kawaida kabisa akijipinda na kununua saa ya shilingi za kitanzania elfu hamsini! Unafikiri lengo lake ni kuangalia muda? Je, sisi tunaonunua saa za shilingi elfu moja na miatano hatuwezi kuangalia muda?  Tuweke hayo kando!

Nakumbuka kipindi nikiwa mtoto mdogo wa darasa la tatu, niliwahi kununuliwa saa ya shilingi za kitanzania elfu moja na miatano na baba yangu. Nilifurahi mno! Nilivyofika darasa la tano nikawa na uwezo wa kununua saa yenye thamani ya shilingi za kitanzania elfu tatu. Hii nayo ilikuwa ni ya kuhesabu kama stop watch! Baadaye nikaona mwenyewe sasa nimekua mtu mzima, sistahili kumiliki saa ya namna hiyo. Hapo ndipo nilipoamua kununua saa ya mshale. Haikuwa na bei kubwa sana lakini nilihisi inaendana na hadhi yangu. Mwanzoni niliuona ugumu wa kuyaelewa mapigo ya saa ya namna hii ambayo ilikuwa imeghubikwa na mistari tu bila maandishi. Nilitakiwa kutumia sekunde thelathini mpaka dakika moja ili kutambua ulikuwa ni muda gani (saa, dakika na sekunde). Baadaye nilianza kuizoea kidogo kidogo na hatimaye nikawa fundi wa kuelekeza wenzangu wasioweza kusoma majira kupitia saa ya namna hii. 

Sasa nisikilize;

Kiwango cha matatizo anayomiliki mwanadamu huwa ni kama saa, mwanzoni huanza na matatizo madogo madogo, ya kati na hatimaye matatizo makubwa. Amini usiamini, matatizo haya yanakuja kulingana na uwezo wako wa kufikiri. Lakini namna mtu unavyojishughulisha kutatua matatizo hayo ndivyo unavyozidi kuwa imara katika kutatua matatizo hayo. Wakati mwingine huwezi kuwa na uwezo mkubwa wa kufikiri halafu ukategemea kukutana na changamoto za namna ile ile. Changamoto lazima ziwe kubwa ili kuendana na uwezo wako wa kufikiri na kukabiliana na changamoto hizo.

Hutakiwi kukata tamaa kwa sababu matatizo au changamoto hizo zimekuja katika uwezo wako hasa wa kufikiri. Kushindwa kutatua changamoto hizo ni kudhihirisha kwamba wewe bado ni mchovu wa kufikiri! Unamfahamu mchovu wa kufikiri anavyokuwa? Yaani kwa mfano, umeamka kutoka usingizini unakuwa na ukungu machoni na baadhi ya kumbukumbu unakuwa hauna. Sasa hapa ukiulizwa chochote unaweza kukosa jibu la papo kwa papo au ukashindwa kabisa kujibu japokuwa unaweza kukuta kwamba jambo uliloulizwa lipo ndani ya uwezo wako kabisa.

Toa ukungu na uchovu katika kufikiri, pambana na changamoto kwa wakati sahihi kwa sababu tu zimekuja ndani ya uwezo wako wa kufikiri. Zifanye changamoto zako kuwa kama saa, tatua changamoto ndogo kisha uwe na uwezo wa kupambana na changamoto kubwa! Hapo wewe mwenyewe utajiona kuwa super. 

Waza tofauti, tenda tofauti, upate matokeo tofauti. Wakati mwingine tunaweza kuwa na changamoto sawa lakini uwezo wa mtu binafsi wa kufikiri ndiyo unaoamua yupi ni yupi?

Kama unavyonunua saa ya bei inayoendana na hadhi yako mwanawane, hata matatizo yatakuja kulingana na hadhi hiyo hiyo!

Jipange...

Usikate tamaa.. 

Pambania unachokiamini. 

Comments

Post a Comment

Popular posts from this blog

KWA NINI WATU WENGI HAWANA UTAMADUNI WA KUJISOMEA VITABU?

Image
 Kwa Nini Watu Wengi Hawana Utamaduni/Hawapendi Kujisomea Vitabu?  (Sehemu ya Kwanza) Habari... Siku kadhaa zilizopita niliandika kwenye kurasa zangu za mitandao ya kijamii mara baada ya kufanya kipindi cha 'The Fix' cha redio kuhusiana na mada inayosema 'Kwa Nini Watu Wengi Hawapendi Kusoma Vitabu?' Nakumbuka baada ya chapisho lile niliahidi kukufikishia somo lote hatua kwa hatu. Sasa leo natamani somo hili liwe kama sehemu ya kwanza na mada ile ile ambapo leo tutaangalia sababu za watu wengi kutokuwa na mwamko, shauku ama utamaduni wa kujisomea vitabu. Zifuatazo ni baadhi tu ya sababu za watu wengi kutokuwa na utamaduni wa kujisomea vitabu; >> Mabadiliko ya Teknolojia (Simu na Mitandao ya Kijamii); Vifaa vya kisasa kama simu za mkononi, kompyuta, na mitandao ya kijamii vimechukua nafasi kubwa katika maisha ya watu. Watu wengi wanapendelea kutumia muda wao kwenye mitandao badala ya kusoma vitabu. >> Video na Habari za Papo kwa Papo; Watu wanaweza kupata hab...
Read more

Mbwa Bado Hajafa! (Usikubali Kukata Tamaa)

Image
Meshack Siwingwa 0764 987 588 Jamaa mmoja alikuwa akisafiri kutoka nyumbani kwake kuelekea mjini majira ya saa moja asubuhi. Baada ya mwendo wa kama saa mbili hivi alikutana na kijana mmoja akiwa amesimama barabarani akingojea kumwona mtu aendaye mjini ili aweze kumuomba 'lift.' Kijana huyu alikuwa amebeba vifaa kadhaa vinavyotumika kwa ajili ya usafi wa kuoshea magari vile ambavyo alivimudu kuvibeba. Kando ya huyu kijana alikuwa amelala mbwa aliyeonekana kuwa dhooofu bin hal kwani alikuwa akitweta kwa uchungu uliosababishwa na maumivu aliyokuwa nayo. Yule kijana alipunga mkono kwa jamaa ndipo jamaa aliposimamisha gari yake na kuamua kumsikiliza kijana. Kijana alimweleza jamaa kwamba alikuwa anaelekea mjini kumtibia mbwa wake na kwamba baadhi ya vifaa kadha alivyokuwa navyo alitegemea apate kazi za kuosha magari pindi afikapo mjini ili aweze kupata fedha za kumudu gharama za matibabu ya mbwa wake. Jamaa alishangaa sana baada ya kuona hali ya mbwa wa yule kijana na ndipo alipoam...
Read more

KAULI KUMI ZA HAYATI MWL. JULIUS K. NYERERE KUHUSU ELIMU NDANI NA NJE YA NCHI

Na; Mashaka Siwingwa +255764987588 ----------------------------------------------------------------------------------------------------------------------------- Ni miaka mingi imepita tangu atutoke baba wa taifa Hayati, Julius Kambarage Nyerere. Ushujaa na uhodari wake katika kupambanua mambo pamoja na kueleza vitu bayana kunamfanya aendelee kuwa shujaa asiyesahaulika. Wakati wa uhai wake, baba wa taifa alisisitiza sana juu ya suala la elimu hapa nchini. Falsafa yake ya kuamini kwamba elimu ndiyo silaha pekee ya kuufikia ukombozi wa kweli hasa kifikra. Katika nyakati tofauti tofauti, katika sehemu tofauti na katika muktadha tofauti, Hayati baba wa taifa aliweza kuonesha wazi msimamo wake juu ya mfumo wetu wa elimu. Kati ya mengi aliyoyazungumza, leo nimeamua nikukusanyie kauli kumi tu alizowahi kuzitoa shujaa huyu.  Twende sawa; 1. Kauli aliyoitamka mnamo tarehe 31 Desemba, 1969 akizungumza na vyombo vya habari kuhusu malengo ya Elimu ya Watu Wazima. Alisema, "... education is som...
Read more