KILA MTU NI GENIUS; JE, WEWE NI GENIUS WA KITU GANI?

"Everyone is a genius but if you judge a fish by it's ability to climb a tree, it will live its whole life believing that it is stupid". Hii ilikuwa ni kauli ya Albert Einstein akiwa na maana ya kwamba;

" Kila mtu ni genius, lakini kama ukimhukumu samaki kwa kushindwa kupanda juu ya mti basi ataishi maisha yake yote akiamini kwamba hana akili".

Mungu alipokuleta duniani, alihakikisha kwamba ameweza kuweka uwezo wa pekee sana ambao mara tu utakapougundua na kuanza kuufanyia kazi utakuletea matokeo makubwa sana. Watu wengi wanazaliwa na hadi wanaondoka duniani hawajajua uwezo wao huu wa kipekee uliojificha ndani yao na matokeo yake wanaishia kuwa watu wa kawaida sana. Ndiyo maana unawakuta watu wengi wanakata tamaa wakifeli masomo na mitihani mbalimbali. Mathalani hata jamii umekuwa ikiwazomea kwa kushindwa katika mitihani hiyo! Mbona hujiulizi kwanini watu wengi waliofanikiwa hawakuwa na uwezo mkubwa darasani?

Moja ya hatari kubwa sana ya kutojua uwezo wako ni kujikuta unafanya kitu ambacho hukutakiwa kufanya kabisa. Ni sawa na kutumia nguvu kubwa sana kwenye maisha yako lakini unapata mafanikio kidogo sana! 

Unaweza kukuta unalima na haufanikiwi kupitia kilimo, unaweza kukuta wewe ni mwalimu lakini bado haufurahii kabisa maisha ya ualimu pamoja na mshahara unaoupata. Hapo unakuwa bado haujaijua "Genius" yako ni ipi!

Nikuhakikishie kabisa kwamba katika maisha huwezi kufanikiwa kamwe, kupata furaha kamwe kama haufanyi kile kinachokuletea amani ya moyo. Kama haufanyi kitu unachokipenda my friend unapoteza muda wako bure! Lazima kile unachokifanya kikuletee faraja.

Katika makala hii nimekuandalia namna kadhaa za kugundua uwezo wako wa kipekee ambao ndiyo uliyobeba mafanikio yako, faraja yako pamoja na furaha yako. Twende sawa!

1. Jifunze kuangalia ujuzi wako; ni jambo la kawaida sana kwa kila mtu kuwa mjuzi wa jambo fulani na hii ni kutokana na uwezo wa ndani kabisa ambao mwenyezi Mungu amemuumbia kila mwanadamu. Ukifanikiwa kuujua ujuzi wako wa ndani kabisa utapata furaha na faraja kupitia uwezo huo hata kama utakuingizia kipato kidogo.


2.  Kuangalia uzoefu wako; bila shaka tangu uzaliwe lazima kutakuwa na jambo/ kitu ambacho umekuwa ukikifanya mara kwa mara na inawezekana hakuna mtu anayeweza kukudanganya kuhusiana na kitu hicho. Kwa mfano, umekuwa ukipiga kinanda kwa muda mrefu, umekuwa ukisimamia sherehe (MC) kwa muda mrefu ama umekuwa ukiimba mashairi kwa muda mrefu. Hivyo maadam una uzoefu wa kutosha katika ugha huo, moja kwa moja hiyo ni njia yako ya kutokea kimaisha. Komaa nayo! 


3. Uwezo wako wa ndani; kila mtu anao uwezo wa kuzaliwa nao. Hapana shaka kabisa juu ya hili. Ndiyo, hata wewe unayejiona rofa kuna kitu unaweza kukifanya na kuushangaza umma! Kitu hicho ndicho kinachokufanya watu wakimiss usipokuwepo, ndicho kinachokupa jina. Yaani unaweza kukuta hata haujasomea kitu hicho, hauna maarifa ya kutosha, hauna uzoefu wowote lakini ukikifanya kitu hicho unakifanya kwa ufanisi mkubwa sana mpaka jamii inastaajabu! Nakuhakikishia kijana mwenzangu, hiyo ndiyo "genius" yako! 

4. Angalia maarifa yako; wakati mwingine unaweza kukuta mtu anaweza kubuni mtindo fulani wa mavazi, kubuni aina fulani ya uimbaji kama ilivyokuwa kwa wagunduzi wa muziki wa lege, rhumba na bongo fleva. Ndugu yangu hata wewe unaweza kubuni kitu fulani na kikakupatia upekee na umaarufu kwa jamii. Shida inakuja pale ambapo vijana wengi hatujishughulishi na hatushughulishi akili zetu katika kufanya tafiti ndogondogo. Ndiyo! Kuna baadhi ya tafiti hata haizihitaji fedha wala elimu kubwa sana. Unadhani aliyegundua kama kisamvu ni mbona alihitaji kuwa na elimu kubwa sana? Mathalani mgunduzi wa matembele? Lakini si vina msaada mkubwa kwa jamii? 


Ukiangalia kwenye vitu vilivyotajwa hapo juu lazima utagundua kabisa kwamba kuna kitu unaweza kukifanya na kinaweza kukutoa kimaisha. Hii inatokana na kitendo tu cha wewe kugundua genius yako. Ukishagundua kwamba unaweza kufanya jambo fulani na jamii ikalikubalia na linaweza kukuingizia mkono kinywani basi fanya sana hicho kitu bila kukoma. Fanya usiku na mchana! Waza namna ya kukiboresha na kukifanya kwa ufanisi mkubwa kila kuitwapo leo. Hakika baada ya muda mfupi utajiona kabisa wewe wa level nyingine kabisa na jamii itakuunga mkono!


Kinachotuponza wengi ni hofu, kuogopa kuchukua hatua. Tutakufa masikini kwa sababu hatuwezi kuchukua hatua na tunasubiri wengine watuchukulie!

Kumbuka, usipotumia genius yako kujiletea maendeleo kuna mwingine atakuja kuitumia kwa manufaa yake mwenyewe.


Karibu katika group la Msomi Hurulinalopatikana WhatsApp ili kuendelea kupata mfululizo wa masomo haya. Wasiliana nasi kupitia barua pepe hapa chini;

mashakasiwingwa@gmail.com


Credits: Joel Nanauka (Core Genius 2020)


#Chief_Editor

MSOMI HURU.


Comments

Post a Comment

Popular posts from this blog

KWA NINI WATU WENGI HAWANA UTAMADUNI WA KUJISOMEA VITABU?

Image
 Kwa Nini Watu Wengi Hawana Utamaduni/Hawapendi Kujisomea Vitabu?  (Sehemu ya Kwanza) Habari... Siku kadhaa zilizopita niliandika kwenye kurasa zangu za mitandao ya kijamii mara baada ya kufanya kipindi cha 'The Fix' cha redio kuhusiana na mada inayosema 'Kwa Nini Watu Wengi Hawapendi Kusoma Vitabu?' Nakumbuka baada ya chapisho lile niliahidi kukufikishia somo lote hatua kwa hatu. Sasa leo natamani somo hili liwe kama sehemu ya kwanza na mada ile ile ambapo leo tutaangalia sababu za watu wengi kutokuwa na mwamko, shauku ama utamaduni wa kujisomea vitabu. Zifuatazo ni baadhi tu ya sababu za watu wengi kutokuwa na utamaduni wa kujisomea vitabu; >> Mabadiliko ya Teknolojia (Simu na Mitandao ya Kijamii); Vifaa vya kisasa kama simu za mkononi, kompyuta, na mitandao ya kijamii vimechukua nafasi kubwa katika maisha ya watu. Watu wengi wanapendelea kutumia muda wao kwenye mitandao badala ya kusoma vitabu. >> Video na Habari za Papo kwa Papo; Watu wanaweza kupata hab...
Read more

Mbwa Bado Hajafa! (Usikubali Kukata Tamaa)

Image
Meshack Siwingwa 0764 987 588 Jamaa mmoja alikuwa akisafiri kutoka nyumbani kwake kuelekea mjini majira ya saa moja asubuhi. Baada ya mwendo wa kama saa mbili hivi alikutana na kijana mmoja akiwa amesimama barabarani akingojea kumwona mtu aendaye mjini ili aweze kumuomba 'lift.' Kijana huyu alikuwa amebeba vifaa kadhaa vinavyotumika kwa ajili ya usafi wa kuoshea magari vile ambavyo alivimudu kuvibeba. Kando ya huyu kijana alikuwa amelala mbwa aliyeonekana kuwa dhooofu bin hal kwani alikuwa akitweta kwa uchungu uliosababishwa na maumivu aliyokuwa nayo. Yule kijana alipunga mkono kwa jamaa ndipo jamaa aliposimamisha gari yake na kuamua kumsikiliza kijana. Kijana alimweleza jamaa kwamba alikuwa anaelekea mjini kumtibia mbwa wake na kwamba baadhi ya vifaa kadha alivyokuwa navyo alitegemea apate kazi za kuosha magari pindi afikapo mjini ili aweze kupata fedha za kumudu gharama za matibabu ya mbwa wake. Jamaa alishangaa sana baada ya kuona hali ya mbwa wa yule kijana na ndipo alipoam...
Read more

KAULI KUMI ZA HAYATI MWL. JULIUS K. NYERERE KUHUSU ELIMU NDANI NA NJE YA NCHI

Na; Mashaka Siwingwa +255764987588 ----------------------------------------------------------------------------------------------------------------------------- Ni miaka mingi imepita tangu atutoke baba wa taifa Hayati, Julius Kambarage Nyerere. Ushujaa na uhodari wake katika kupambanua mambo pamoja na kueleza vitu bayana kunamfanya aendelee kuwa shujaa asiyesahaulika. Wakati wa uhai wake, baba wa taifa alisisitiza sana juu ya suala la elimu hapa nchini. Falsafa yake ya kuamini kwamba elimu ndiyo silaha pekee ya kuufikia ukombozi wa kweli hasa kifikra. Katika nyakati tofauti tofauti, katika sehemu tofauti na katika muktadha tofauti, Hayati baba wa taifa aliweza kuonesha wazi msimamo wake juu ya mfumo wetu wa elimu. Kati ya mengi aliyoyazungumza, leo nimeamua nikukusanyie kauli kumi tu alizowahi kuzitoa shujaa huyu.  Twende sawa; 1. Kauli aliyoitamka mnamo tarehe 31 Desemba, 1969 akizungumza na vyombo vya habari kuhusu malengo ya Elimu ya Watu Wazima. Alisema, "... education is som...
Read more