UKITAKA WATU WAKUHESHIMU FANYA HIVI

Kila mtu anastahili kupewa heshima na kuthaminiwa. Hii ni kutokana na ukweli kwamba heshima na thamani ni kitu ambacho kila mtu anastahili. Haijalishi elimu zetu, tamaduni zetu, makabila yetu, dini zetu wala maeneo tunayotokea. Kutokuheshimiana ni moja ya kitu ambacho kimekuwa kikisababisha migogoro kwa watu mbalimbali. Mtu mmoja anaposhindwa kumheshimu mwenzake hupelekea migogoro na hata kuvunja ukaribu wao.

Marafiki wawili wanaposhindwa kuheshimiana huwa hawana haja tena ya kuona kama urafiki wao una manufaa yoyote yale bali huamua kuvunja urafiki wao.

Wapenzi wengi pia wanaposhindwa kuheshimiana hupelekea mogogoro kwenye mapenzi yao na hata kuvunja mahusiano. Mathalani, wanandoa wanaposhindwa kuheshimiana na kuthaminiana hupelekea  migogoro ndani ya nyumba na hatimaye kuamua kuvunja mahusiano au ndoa yao.

Kwa kawaida, suala la kutoheshimiana ni suala la mtu mmoja mmoja kwani ni matokeo ya ubinafsi baina yetu. Kwa mujibu wa Dkt. Issaya Lupogo & Aziza Lupogo (2019) katika kitabu chao cha "Nadharia ya Utofauti katika Ndoa na Mahusiano ya Kimapenzi ( uk.22)" wanaeleza kwamba ni hulka ya kila mtu kuwa mbinafsi kwani ubinafsi hupelekea kila mmoja wetu kujiona yuko bora kuliko mwingine. Kwa mfano, ukiwachukua watoto watatu halafu ukawapa pipi moja kwa kila mmoja na baadaye ukampatia mmoja wao pipi ya pili. Hawa wengine watamuonea wivu kwani wanaamini kwamba wao ndiyo wanaostahili kupewa zaidi ukiwalinganisha na yule mwingine. Na hata yule aliyepewa zaidi huona kwamba yeye ndiye anayestahili kupata zaidi kuliko wenzake ndiyo maana hata ukijaribu kumuomba tena ile pipi hayupo tayari kuirudisha hata akitishiwa namna gani. Unaweza kusoma zaidi habari za ubinafsi kwa kujipatia nakala ya kitabu hiki kwa gharama za kitanzania kabisa (Tshs 5,000/=)

Suala la ubinafsi lisichukuliwe kama kitu cha kutisha ama kuogofya kwani ni suala linalotokana na uasilia ambapo kila mmoja wetu huzaliwa na ubinafsi. Ndiyo maana hata viongozi wetu wanapopata fungu fulani la maendeleo huanza kwanza kwa kujihesabia haki wao kabla ya wale wanaowapelekea maendeleo. Hata ukiwachukua wasichana wawili ukiwauliza wao kwamba ni yupi mrembo zaidi kati yao kila mmoja atawamba ngoma huku akiivutia kwake. Hivyo, ubinafsi siyo suala la kutisha maana linatokana na uhalisia wa kuwa na ubinafsi asilia miongoni mwetu.

Kama nilivyotangulia kuandika hapo awali kwamba kinachofanya watu wasiheshimiane ni ubinafsi na kuona kwamba mtu fulani anastahili kitu fulani au heshima fulani zaidi ya wenzake, hivyo tunaweza kutibu tatizo hili kwa kuweka maslahi ya wengine zaidi mbele. Hata katika maandiko matakatifu yanatueleza kwamba tukitaka kuhesabiwa haki basi tukubali kuwahesabu wengine kuwa wana haki kuliko sisi au sawa na vile tunavyohitaji. Unapomhesabia mtu mwingine haki kukuzidi wewe ni ishara ya kwamba unamheshimu na kumthamini mtu huyo. Mathalani, hata wewe unakuwa umetengeneza mazingira ya kuheshimika na kuthaminiwa kwa watu wengine kwani usipoheshimu wengine hakuna wa kukuheshimu. Weka maslahi ya wengine mbele kwanza na ya kwako mwenyewe nyuma. Kwenye misingi kumi na nne ya utawala na Bw. Charles Taylor ameeleza kwamba ukitaka kujenga uongozi mzuri wape wengine nafasi kukuzidi wewe. Waweke mbele yako halafu angalia wanavyotenda majukumu yao.

Pia, wakati mwingine unaweza kuwa na busara na kuwaheshimu wengine lakini wao wakashindwa kukuheshimu na kuthamini mchango wako. Hakuna namna unaweza kuwalazimisha kukuheshimu wewe. Hivyo, kitu cha kufanya hapa ni kutengeneza mazingira ya wao kuona kwamba wewe pekee ndiye mwenye busara kati yao. Hii ni njia rahisi sana. Fanya yafuatayo ili uonekane mwenye busara kuwazidi hao wanaoona wao ndiyo wanaostahili kukuzidi;

1. Usizungumze pasipokuwa na ulazima wa kuzungumza, usizungumze kwa sababu una mdomo bali zungumza kwa sababu kuna sababu ya wewe kuzungumza,

2. Usitoe maamuzi kwa hisia hasa wakati wa hasira. Ukiwa na hasira usitoe maamuzi kwani maamuzi ya ndani ya sekunde 30 yanaweza kuathiri maisha yako yote,

3. Usiwe wa kwanza kuzungumza kwenye mjadala. Wape wao nafasi kwanza uwasikilize maoni yao kisha yakusanye na kuyachambua halafu ibuka na maoni yako,

4. Usitumie kauli za kumshambulia mtu kwenye mazungumzo. Hata ukiona kuna mtu amekosea sisitiza namna ya kutafuta suluhisho wala siyo kuendelea kumshambulia na kumkosoa mtu huyo, na;

5. Ruhusu maoni ya wengine yawe juu ya maoni yako mwenyewe. Usilazimishe kila unachokisema kikubalike. Wape wapitishe mawazo yao lakini mawazo yako yakiwa sahihi watakutafuta na kukumbuka hata kama itakuwa baadaye. Kumbuka ukweli una tabia ya kuchelewa lakini ni lazima ufike.

Baada ya hapo kila kitu atakuheshimu na kuheshimu mawazo yako pasipo shuruti. Unastahili heshima!

Mashaka Siwingwa

Chuo kikuu Mzumbe-Morogoro

Comments

Post a Comment

Popular posts from this blog

KWA NINI WATU WENGI HAWANA UTAMADUNI WA KUJISOMEA VITABU?

Image
 Kwa Nini Watu Wengi Hawana Utamaduni/Hawapendi Kujisomea Vitabu?  (Sehemu ya Kwanza) Habari... Siku kadhaa zilizopita niliandika kwenye kurasa zangu za mitandao ya kijamii mara baada ya kufanya kipindi cha 'The Fix' cha redio kuhusiana na mada inayosema 'Kwa Nini Watu Wengi Hawapendi Kusoma Vitabu?' Nakumbuka baada ya chapisho lile niliahidi kukufikishia somo lote hatua kwa hatu. Sasa leo natamani somo hili liwe kama sehemu ya kwanza na mada ile ile ambapo leo tutaangalia sababu za watu wengi kutokuwa na mwamko, shauku ama utamaduni wa kujisomea vitabu. Zifuatazo ni baadhi tu ya sababu za watu wengi kutokuwa na utamaduni wa kujisomea vitabu; >> Mabadiliko ya Teknolojia (Simu na Mitandao ya Kijamii); Vifaa vya kisasa kama simu za mkononi, kompyuta, na mitandao ya kijamii vimechukua nafasi kubwa katika maisha ya watu. Watu wengi wanapendelea kutumia muda wao kwenye mitandao badala ya kusoma vitabu. >> Video na Habari za Papo kwa Papo; Watu wanaweza kupata hab...
Read more

Mbwa Bado Hajafa! (Usikubali Kukata Tamaa)

Image
Meshack Siwingwa 0764 987 588 Jamaa mmoja alikuwa akisafiri kutoka nyumbani kwake kuelekea mjini majira ya saa moja asubuhi. Baada ya mwendo wa kama saa mbili hivi alikutana na kijana mmoja akiwa amesimama barabarani akingojea kumwona mtu aendaye mjini ili aweze kumuomba 'lift.' Kijana huyu alikuwa amebeba vifaa kadhaa vinavyotumika kwa ajili ya usafi wa kuoshea magari vile ambavyo alivimudu kuvibeba. Kando ya huyu kijana alikuwa amelala mbwa aliyeonekana kuwa dhooofu bin hal kwani alikuwa akitweta kwa uchungu uliosababishwa na maumivu aliyokuwa nayo. Yule kijana alipunga mkono kwa jamaa ndipo jamaa aliposimamisha gari yake na kuamua kumsikiliza kijana. Kijana alimweleza jamaa kwamba alikuwa anaelekea mjini kumtibia mbwa wake na kwamba baadhi ya vifaa kadha alivyokuwa navyo alitegemea apate kazi za kuosha magari pindi afikapo mjini ili aweze kupata fedha za kumudu gharama za matibabu ya mbwa wake. Jamaa alishangaa sana baada ya kuona hali ya mbwa wa yule kijana na ndipo alipoam...
Read more

KAULI KUMI ZA HAYATI MWL. JULIUS K. NYERERE KUHUSU ELIMU NDANI NA NJE YA NCHI

Na; Mashaka Siwingwa +255764987588 ----------------------------------------------------------------------------------------------------------------------------- Ni miaka mingi imepita tangu atutoke baba wa taifa Hayati, Julius Kambarage Nyerere. Ushujaa na uhodari wake katika kupambanua mambo pamoja na kueleza vitu bayana kunamfanya aendelee kuwa shujaa asiyesahaulika. Wakati wa uhai wake, baba wa taifa alisisitiza sana juu ya suala la elimu hapa nchini. Falsafa yake ya kuamini kwamba elimu ndiyo silaha pekee ya kuufikia ukombozi wa kweli hasa kifikra. Katika nyakati tofauti tofauti, katika sehemu tofauti na katika muktadha tofauti, Hayati baba wa taifa aliweza kuonesha wazi msimamo wake juu ya mfumo wetu wa elimu. Kati ya mengi aliyoyazungumza, leo nimeamua nikukusanyie kauli kumi tu alizowahi kuzitoa shujaa huyu.  Twende sawa; 1. Kauli aliyoitamka mnamo tarehe 31 Desemba, 1969 akizungumza na vyombo vya habari kuhusu malengo ya Elimu ya Watu Wazima. Alisema, "... education is som...
Read more