TUNAKWAMA WAPI?

Mada ya Promotion of Life Skills hufundishwa tangu kidato cha kwanza katika somo la Uraia (Civics). Ni moja ya mada tamu sana na zinazogusa moja kwa moja maisha yetu ya kawaida. Mada hii inapofundishwa ina vipengele mbalimbali. Moja ya vipengele hivyo ni kile kinachosema, Steps of Problem Solving (Hatua za kutatua matatizo). Hapa utakuta wanakwambia hatua namba moja ni Identification of a problem (Utambuzi wa tatizo). Yaani kabla hujaanza kupambana na changamoto hiyo anza kwanza kwa kuitambua changamoto hiyo. Halafu mada hii inajirudia tena kidato cha tatu ikiwa na jina lile lile, vipengele vile vile, lakini visiki vya mpingo mimi na wewe bado tunakwama; aaah tunakwama wapi?


Mwimbaji wa nyimbo za injili Martha Baraka mnamo tarehe 24 mwezi wa nane mwaka 2018  aliimba kibao chake kinachoitwa "Nini chanzo?" Katika kibao hiki amewagusa watu kadhaa katika historia ya imani ya kikristo, moja ya watu hao ni akina Anania na Safira ambao hadithi yao inapatikana katika kitabu cha Matendo ya Mitume sura ya 5 aya ya kwanza mpaka ya kumi (Mdo 5:1-10) akieleza kwamba dhambi ndiyo chanzo cha wao kupoteza maisha! Kwa ujumla katika kibao hiki mwimbaji amefanikiwa kuijuza hadhira yake kwamba kabla hujamdunda mtu ngumi kwa mkasa fulani tafuta kwanza chanzo cha huo mkasa. Tumuweke kando huyo, msije kunipiga mawe na kunibambizia kesi ya uhujumu injili!

Leo imekuwa kawaida sana kwa wasomi wengi kutatua changamoto kwa kukurupuka. Yaani ni vululuuuuuh mpaka shetani anakaa pembeni ili ajifunze kitu. Kikwetu kwetu tunaita "Tit for Tat" yaani dawa ya moto ni moto. Mnamo Agosti mwaka 2020 mgombea mmoja wa Urais nchini Tanzania aliwahi kunukuliwa akisema: "Kama ukinipiga shavu la kulia sitageuza la kushoto, bali nitarudisha kibao kwa kutumia mikono yote miliwi ili nikupige mashavu yote mawili". Sijamtaja mtu jina hapo. Elimu zetu hazina maana tena, unadhani raia wataacha kutuambia kwamba baba zetu waliuza ng'ombe wakapeleka ng'ombe wengine shuleni?

Wasomi wanapokutana na changamoto wao ndiyo wa kwanza kuonyesha mwitikio hasi (negative reaction), kujibu mashambulizi papo kwa papo mmhh! Hili ni shambulio la aibu kwa wasomi ambalo mshindo wake sijapata kuuona! Najua huamini si ndiyo? Mzushie rafiki yako kwamba alikamatwa akiiba uone atakachokufanya, wallah utajuta kuzaliwa ndugu yangu!

Tatizo Liko Wapi?

Mnamo mwaka 1967 Mwalimu Julius K. Nyerere aliandika kitabu kilichoitwa "New Hope For Rural Africa" . Alijua kabisa kwamba Urusi angeweza kututatulia matatizo yetu kiuchumi lakini kwa nini hakuwa tayari? Akagundua kwamba shida ni Tanzania kutokuwa mjamaa (Socialist) akaamua kuupigia upatu ujamaa. Tangu hapo changamoto ziligeuzwa fursa, watu wakala na kusaza mpaka miaka ya 90 ambapo jahazi lilimzamia Mrusi chini ya mikono ya Vladimir Putin.

Changamoto yetu kubwa ni kutokutambua tatizo, msomi mmoja anasema "Huwezi kufanya jambo kwa akili ile ile, tena jambo lile lile halafu ukategemea matokeo tofauti." Kama siku moja hujawahi kufikiri namna ya kubadili mfumo wako wa kupambana na changamoto mwanawane wewe utakuwa jalala la changamoto. Ndiyo! Wewe utakuwa jalala la changamoto.

Sisi wenye busara siku zote tunapopata matatizo kwanza tunakubaliana nayo, tunakaa chini na kuchunguza chanzo cha tatizo kisha tunakuja na "strategic solution". Yaani suluhisho la kimkakati. Kama umewahi kuufuatilia wimbo wa mwanamama Bahati Bukuku wa "Dunia Haina Huruma" pasi na shaka utamkumbuka mzee mmoja mwenye busara! Ambaye baada ya kuliona tatizo akatoa suluhisho lenye busara pia. This is what we call strategical thinking towards problem solving. Hatuwezi kusahau hekima za mfalme Suleimani pia alipotatua tatizo la wale wanawake wawili kwa hekima ya hali ya juu mno.

Anza leo bro, ukisikia mtu anakusema usirushe ngumi wala matusi, tafuta chanzo cha yeye kukusema, halafu uje kutafuta suluhisho. Muda mwingine utagundua kwamba kumbe mfikishaji wa ujumbe kwako alikuwa na lengo la kumchafua rafiki yako (huyo anayesemekana kukusema). 

Ukiweza kukaa chini na kufikiri juu ya matatizo yako, utagundua kwamba unao uwanja mpana sana wa kutatua changamoto hata za watu wanaokuzunguka.

Think Strategically!

Come up with the solution!

Comments

Post a Comment

Popular posts from this blog

KWA NINI WATU WENGI HAWANA UTAMADUNI WA KUJISOMEA VITABU?

Image
 Kwa Nini Watu Wengi Hawana Utamaduni/Hawapendi Kujisomea Vitabu?  (Sehemu ya Kwanza) Habari... Siku kadhaa zilizopita niliandika kwenye kurasa zangu za mitandao ya kijamii mara baada ya kufanya kipindi cha 'The Fix' cha redio kuhusiana na mada inayosema 'Kwa Nini Watu Wengi Hawapendi Kusoma Vitabu?' Nakumbuka baada ya chapisho lile niliahidi kukufikishia somo lote hatua kwa hatu. Sasa leo natamani somo hili liwe kama sehemu ya kwanza na mada ile ile ambapo leo tutaangalia sababu za watu wengi kutokuwa na mwamko, shauku ama utamaduni wa kujisomea vitabu. Zifuatazo ni baadhi tu ya sababu za watu wengi kutokuwa na utamaduni wa kujisomea vitabu; >> Mabadiliko ya Teknolojia (Simu na Mitandao ya Kijamii); Vifaa vya kisasa kama simu za mkononi, kompyuta, na mitandao ya kijamii vimechukua nafasi kubwa katika maisha ya watu. Watu wengi wanapendelea kutumia muda wao kwenye mitandao badala ya kusoma vitabu. >> Video na Habari za Papo kwa Papo; Watu wanaweza kupata hab...
Read more

Mbwa Bado Hajafa! (Usikubali Kukata Tamaa)

Image
Meshack Siwingwa 0764 987 588 Jamaa mmoja alikuwa akisafiri kutoka nyumbani kwake kuelekea mjini majira ya saa moja asubuhi. Baada ya mwendo wa kama saa mbili hivi alikutana na kijana mmoja akiwa amesimama barabarani akingojea kumwona mtu aendaye mjini ili aweze kumuomba 'lift.' Kijana huyu alikuwa amebeba vifaa kadhaa vinavyotumika kwa ajili ya usafi wa kuoshea magari vile ambavyo alivimudu kuvibeba. Kando ya huyu kijana alikuwa amelala mbwa aliyeonekana kuwa dhooofu bin hal kwani alikuwa akitweta kwa uchungu uliosababishwa na maumivu aliyokuwa nayo. Yule kijana alipunga mkono kwa jamaa ndipo jamaa aliposimamisha gari yake na kuamua kumsikiliza kijana. Kijana alimweleza jamaa kwamba alikuwa anaelekea mjini kumtibia mbwa wake na kwamba baadhi ya vifaa kadha alivyokuwa navyo alitegemea apate kazi za kuosha magari pindi afikapo mjini ili aweze kupata fedha za kumudu gharama za matibabu ya mbwa wake. Jamaa alishangaa sana baada ya kuona hali ya mbwa wa yule kijana na ndipo alipoam...
Read more

KAULI KUMI ZA HAYATI MWL. JULIUS K. NYERERE KUHUSU ELIMU NDANI NA NJE YA NCHI

Na; Mashaka Siwingwa +255764987588 ----------------------------------------------------------------------------------------------------------------------------- Ni miaka mingi imepita tangu atutoke baba wa taifa Hayati, Julius Kambarage Nyerere. Ushujaa na uhodari wake katika kupambanua mambo pamoja na kueleza vitu bayana kunamfanya aendelee kuwa shujaa asiyesahaulika. Wakati wa uhai wake, baba wa taifa alisisitiza sana juu ya suala la elimu hapa nchini. Falsafa yake ya kuamini kwamba elimu ndiyo silaha pekee ya kuufikia ukombozi wa kweli hasa kifikra. Katika nyakati tofauti tofauti, katika sehemu tofauti na katika muktadha tofauti, Hayati baba wa taifa aliweza kuonesha wazi msimamo wake juu ya mfumo wetu wa elimu. Kati ya mengi aliyoyazungumza, leo nimeamua nikukusanyie kauli kumi tu alizowahi kuzitoa shujaa huyu.  Twende sawa; 1. Kauli aliyoitamka mnamo tarehe 31 Desemba, 1969 akizungumza na vyombo vya habari kuhusu malengo ya Elimu ya Watu Wazima. Alisema, "... education is som...
Read more